كارنتين L-carnitine هو عبارة عن حمض اميني موجود في اللحوم الحيوانية او الحليب بكميات قليلة جدا. والجسم بعمل على تصنيع كارنتين من حمضين امينيين همي اللايسين والمثيونين وبحتاج الجسم انزيم من فايتامين C ليقدر يصنعه. من وظائفه الاساسية المشهورة انو بعمل بالجسم لنقل الدهون للعضلات لحرقها.
وموجود في السوق على شكل مكمل غذائي على شكلين الاول هو ALCAR او Acetyl L-Carnitine والثاني هو L-carnitine
ما هي فوائده ؟
قبل ان نتكلم عن فوائده بدنا نحكي لو كان عندك نقص بالـ كارنتين شو ممكن يصير بجسمك
حالات النقص بالـ كارنتين شائعة جدا بحال ما كنت بتتناول بروتين بشكل كافي او كنت شخص نباتي فقط.
نقص الـ كارنتين بجسمك بعمل على ضعف عام بكل عضلات جسمك , وبعمل خربطة بعمل الكبد. وبسبب امراض بالقلب.
احصل على منتج كارنتين من بروتينك
ماذا لو كان الـ كارنتين عندك للحد الطبيعي واخدتو كمكمل غذائي شو ممكن يضيفلك فوائد ؟
اثبتت الدراسات ان النوع الأول ALCAR من الـ كارنتين بزيد من التركيز وسرعة الادراك غير انو بحارب مرض الزهايمر وبقلل من اعراض الاكتئاب. واثبتت كمان انو بزيد من حساسية الانسولين خصوصا لمرضى السكري. والنوع الثاني من الكارنتين يستخدم لزيادة الاداء الرياضي وزيادة الخصوبة عند الرجال وزيادة ضخ الدم وحماية العضلات لكن فوائده عل دماغ أقل من النوع الأول
هل بحرق دهون ؟
كثير ناس بتوخد الكارنتين كحارق دهون. الحقيقة انه الدراسات العلمية اثبتت ضعفه في حرق الدهون. الا بحال كنت بتتناول بروتين قليل او كنت نباتي.
والسبب هو صعب جدا تزيد كميته بالعضل , ولتزيد كميته بالعضل ل 20% بدك تاخد 3 غرام لمدة اكثر من 5 اشهر.
هل للكارنتين مضار؟
بدراسة على 21 شخص لمدة 3 اسابيع كانو يوخدو 3 غرام ما وجدت اي ضرر في الجسم او انزيمات الدم. ويصنف انه امن جدا للاستخدام.
كيف ممكن تاخده ؟
النوع الاول ALCAR بامكانك اخذه بأي وقت او على الريق. نص ل 1 غرام يوميا.
اما النوع الثاني وهو بالعادة L-cartninte L-Tartrate لازم تاخده مع كاربوهيدرات لتحسن امتصاصه ونقله للعضل ب 1-2 غرام يوميا.
مقالات ذات صلة: إقرأ أيضا
ما الرابط بين الكاربوهيدرات والرياضة والمؤشر الجلايسيمي
هل الحليب ومنتجات الألبان ضارة ؟